Bismillahirrahmanirrahim Part 5 - Seerat un Nabee Sal-Allahu Alaihi Wasallam * Al Quran : Allah subhanahu ne momeeno par bada ehsan kiya hai ki unmein unhi mein se ek Rasool ( Sal-Allahu Alaihi Wasallam ) bheje jo un par us (RAB) ki aaytein padhte hain aur unhe kitab aur danayee sikhate hain aur (unke aane se ) pahle ye log khuli gumrahi mein they Surah Aal-e-imran (3), 164 Al Quran : Tumhare pass tum hi mein se ek Rasool (Muhammad Sal-Allahu alaihi wasallam) aaye hain tumhari takleef unko giraah (yani apni) malum hoti hai , aur tumhari bhalaii ke khwahish mand hai aur momeeno par nihayat shafqat karne wale (aur) Meharbaan hain. Surah At-Taubah (9) , 128 Al Quran : Haqeeqat mein tumhare liye Rasool-Allah (Sal-Allahu Alaihi Wasallam ka qaul aur amal )ek behtareen namuna (example) hain , unke liye jo Allah aur aakhirat ke din par imaan rakhte hain aur Allah ko bahut yaad karte hain Surah AL-Ahzab (33), 21 Al Quran : Wo log jo us Rasool (Sal-Allahu Alaih...
